ဗဟန်း မတ် ၁၅
ရန်ကုန်တိုင်းဒေသကြီး၊ လူထုအခြေပြုဗဟိုဌာန (ဗဟန်း) တွင် ယနေ့ နံနက်၉နာရီအချိန်က အိမ်ချစ်မေစာပေတိုက်မှထုတ်ဝေသော “ဆယ် ယောက် တစ်ကျိပ်ရသဝတ္ထုတိုများစုစည်းမှု”စာအုပ်မိတ်ဆက်ပွဲ အခမ်း အနားကျင်းပပြုလုပ်ခဲ့ရာ အမျိုးသားစာပေဆုရှင် စာရေးဆရာ အောင်သျှံဝိုင်း၊ အမျိုးသားစာပေဆုရှင်စာရေးဆရာမောင်ခြိမ့်၊ စာပေဗိမာန် စာပေဆုရှင် ဆရာသံလျင်မောင်မောင်ဦး၊ စာပေဗိမာန်စာပေဆုများရှင် ဆရာမောင်သာ နှင့်စာပေစိတ်ပါဝင်စားသူများ တက်ရောက်ကြသည်။
ရှေ့ဦးစွာ စာပေဗိမာန်ဆုများရှင် ဆရာသံလျင်မောင်မောင်ဦးက အဖွင့်အမှာစကားပြောကြားခဲ့ပြီးပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လက်ထောက်ညွှန်ကြားရေးမှူး ဒေါ်အေးအေးခိုင်က မုဒိတာစကား ပြောကြားခဲ့သည်။ဆက်လက်၍အမျိုးသားစာပေဆုရှင် စာရေးဆရာ အောင်သျှံဝိုင်း၊စာပေဗိမာန်စာပေဆုများရှင် ဆရာမောင်သာတို့က မုဒိတာ စကားအသီးသီးပြောကြားခဲ့ကြသည်။ထို့နောက်“ဆယ်ယောက်တစ်ကျိပ်” ရသဝတ္ထုတိုများစုစည်းမှုစာအုပ်တွင်ပါဝင်ရေးသားသော အမျိုးသားစာပေ ဆုရှင်ဆရာမောင်ခြိမ့်ကစာအုပ်အား မိတ်ဆက်ရှင်းလင်း ပြောကြားပြီး အိမ်ချစ်မေစာပေတိုက်မှထုတ်ဝေသူဆရာမအိမ်ချစ်မေက ကျေးဇူးတင် စကားပြောကြားခဲ့ကာ အခမ်းအနားကိုရုတ်သိမ်း ခဲ့ကြောင်း သိရသည်။
အခမ်းအနားအပြီးတွင်ပြန်ကြားရေးနှင့်ပြည်သူ့ဆက်ဆံရေး ဦးစီး ဌာနကစာအုပ်ပြပွဲနှင့်နံရံကပ်စာစောင်များ ခင်းကျင်းပြသကာ စာအုပ် မိတ်ဆက်ပွဲအခမ်းအနားသို့ကြွရောက်လာကြသူများက ကြည့်ရှုအားပေး ခဲ့ကြကြောင်း သိရှိရသည်။
